Facebook Twitter Google +1     Admin

Se muestran los artículos pertenecientes a Julio de 2006.

Thersites

Mense julio ineunte (mihi primus qui coepit ephemeridem hanc condenti) videtur aliquid de me narrare.

Quis enim Thersites sim?  Hoc praecipue scias oportet: graecum me esse ac vetustissimum inter vetustissimos, cum de me jam Homerus ille locutus sit, poeta non minus vetustus quam egomet, atque bellum trojanum qui narravit longo poemate 'Iliade' inscripto.  Quid de me dictaret Homerus scire si vis, in canto secundo Iliadis inveniri potest, versus ccxii sqs: nec bellum nec sapientem me depinxit, immo 'akritómythe' vocat Ulixis ore, id est 'temere loquax'.  Utrum veriora an falsiora sint Homeris verba, alio die.  Nunc dicam tantum hoc: paululum me claudicavisse Priami dum regna manebant, quia saxum quoddam laesit crus sinistrum; at nunc pulchre cursito.  Ceterum confiteri debeo me plane calvum videri.

Etiam ab Ovidio, doctissimo poeta Latino, allusus nonnullis carminibus sum, in primis illo notissimum 'Metamorphoseon', cuius xiii libri in ccxxxiii versu legitur: 'at ausus erat reges incessere dictis', quod verum est omne: quia maledicentissimus atque loquacissimus sum, sed audax quoque fortisque, nec tacere unquam potui ante potentes vel optimates.  Pro liberis verbis propugnabam, propugno, propugnabo.

Multi alii poetae de me senserunt, eorumque mentionem faciam in loco.  Satis sit nunc de me.

01/07/2006 22:58 thersites Enlace permanente. sin tema No hay comentarios. Comentar.

Fabula Troili Cressidaeque

Multi poetae praeter Homerum Ovidiumque, aiebam, de me senserunt.  Alludam hodie ad quem magnum inter maximos habeo, Anglicum poetam qui fabulas immortales nobis reliquit omnibus notissimas: Hamletus, Lear Rex, Mercator Venetus, Somnium noctis aestivae...  Ille Guglielmus Shakespeare (vel Sexbird, quomodo eius nomen viventis scripsit aliquis) finxit fabulam vere insolentem qua rursus narravit bellum illum quod incunabula sunt litteris europaeis: en denuo Priamus, en Achilles, Agamemnon, Hector, Cassandra...  Fabula inscripta est 'Troilus et Cressida'.

Troilum vidi ab Achille mortuum: ultimus Priami Hecubaeque filius fuit.  Sed quae erat Cressida?  Equidem numquam novi.  Eam puto inventam a quodam auctore medioevali, at certior factus non sum.  In fabula oloris Aufonensis Cressida filia est Calchantis vatis, qui nec Achivus nec Graecus est, sed Trojanus, et patriam tradit propterea quod eam perituram praesentit.  Troilus Cressidam adamat, Pandaro monente et conscio puellae consanguineo, sed, primo thalamo nuper confecto, puella ad patrem (qui apud Graecos jam versatur) redacta est, ubi fidem Troili conculcat Diomedique se totam dat, dum furit primus amator.

Cur de fabula dicam?  Haec est causa: in illa Thersites partis non parvas et vere scurriles ago.  Heroes Graeci depicti sunt quasi plebei et homines nequam, fatui, ambitiosi, stulti.  Ad deteriorem conspectum exercitus Achivi haud parum Thersitae verba contribuunt.  Fatuus enim Ajacis in fabula sum, ac inter alia dico, Shakespeare auctore, nihil aliud esse bellum Trojanum quam pugnam de scorto et cornuto (id est marito deludificato).

Paucis, numquam Ajaci servii.  Sed aliquid simillimum me de bello Trojano dixisse infitiari nequeo.

02/07/2006 22:20 thersites Enlace permanente. sin tema No hay comentarios. Comentar.


Interrete

Quam mira res, Interrete!  Quo nunc utimur, tu ephemeridem legens, ego scribens.  Quid admirabilissimum in eo inveniam, dicturus sum.  Non enim celeritas colloquendi, etsi mira est certe et pluribus artibus renovata: eadem autem celeritas erat telephono, radiophono, televisui.  Non facultas ipsa colloquendi, quae alia jam media obtulerant antea.  Non multifarii nuntii, notitiae, notiones quas habet ac in ictu oculi suppeditat, cum sine dubio valde admirabile sit: nihil enim eorum deest bibliothecis actisque diurnis.  Quod magis magisque in dies in interreti admiror hoc est: ampla et commoda loca praebet omnibus liberrima et aequabilissima, eadem musices amantibus ac pedifolli devotis atque vesanis sermonis Latini; eadem vulgo municipali quam gregi selecto cuilibet.

Nescio num jam intellixeris: ego in electorum gregi me adscribo plus quam inter plurimos et vulgares.  Sic magni me facio, et consolor me de lectoribus inertibus qui commentarios nunquam rescribunt.  Intellexti nunc, lector piger?

Non, non, ne irascere, lector amabilis: ludo, jocor, cavillor.  Desipio tantum (ut spero) in loco.

03/07/2006 22:57 thersites Enlace permanente. sin tema No hay comentarios. Comentar.

Inania

Brevior ero.  Profecturus sum post decem minutas.  Sed sine commentariolo, etsi brevissimo, abire nolui.  Si non vacat tempus, non vacat.  Hodie bonus fuit dies: calor non tantus fuit quantus proximus dies, aer subfrigidum flabat.  Ex bicyclo solem oriri vidi.  Roseus orbis fiebat orienti sole.  Parentes deinde visere abi: qui ambo bene se habebant.  Ceterum, todo die domi laboravi, praecipue in ordinem multa degens.  Abit dies, amici me exspectant, satis feci.  Spero ut optime dormiam.  Idem lectoribus opto.
04/07/2006 22:29 thersites Enlace permanente. sin tema No hay comentarios. Comentar.

Verola

Post primos mensis dies, quibus calor fuit vere aestivus, heri primum ventus rapidus flavit, et nubes hodie caelum occuluerunt, aqua de caelo semel aut bis minxit arva.  Pluvia ergo, quae toto mense junio adfuit fere quotidie, regressa est.  Quam etiam nunc audio stillantem, suaviter pulsantem in dura ficus folia.  Luna dimidiae faciei dimidium inter nubila exhibet.

Cum parentibus coenobium illum Verolense, quod apud oppidum parvum Vera Montis Caii est, ad visendam adii collectionem suppellectilis monasterii quae, coenobio deserto, dispersa in varia loca fuit.  Collectio videri poterit usque ad mensem septembrem.  Qui legis, coenobium visere potes, si bonae artes tibi cordi sunt.  Nullum opus inter tot eo coacta vere egregium est, sed aedes ipsae et quod continent optima ac excellentia sunt certe.  Videbis etiam membranae, signa, pinaces.  Quid plura?

Iam non pluit foras.

05/07/2006 23:45 thersites Enlace permanente. sin tema No hay comentarios. Comentar.

Confessio

Ex phonographo veniunt ad aures meas soni dulces minuetti cuiusdam a Josepho Haydn compositi.  Propositum meum erat de Cipolla loqui, sed, nescio cur, plane impotens sum.  Impotentiam in viris antiqui damnabant tamquam vitium muliebre.  Ab impotente contrarium est homo compos sui.   Ego minime compos mei mihi videor.  Argumentum hoc adhibere placet: mense junio, cum in mente volvebat quid hoc ephemeridis fore voluerim, unum illud certum habebam, minime confessiones intimas in ephemeride publica, ut haec quidem est, includi oportere.  Sed animum hoc temporis sic habeo ut nescio quid muliebre me cogat ad confitendum.

Quot dies jam hic perscribo?  Duodeviginti?  Viginti?  Et, quod potius est, quem ad finem scribo?  Si quid pro certo habere possitis, hoc habeto: tale pensum mihi placet, paginam quotidie lustrans interretialem delector.  Jam dixi me multo facilius hodie scribere latine quam primo die quo coepi.  Quod satis esset ad operam probandam.  Sed, ultra utilitatem tironi, ultra voluptatem confessori, quonam hae litteras tendunt?

Amicum habui doctum Latine quocum litteras binas vel ternas misimus inter nos.  Parum autem progressi sumus, sermone patrio jam longo tempore assuefacti: statim ad castillanam linguam reverti cogimur.  Aliud aliudque posthac excogitavi quo magis continuaret opera latino danda.  (Venit etiam in mentem ad Augustinum Garciam, quem semper admiratus sum, epistulam velis nolis mittere.  Absurdum visum deposui.)  Postremo, cum vidissem ephemerides interreti esse nonnullas quibus permulti commentarios adderent, optima visa est mihi ratio quodlibet ad quoslibet et latine et perpetue conscribendi.

Sed cum ephemeridem adii, idem quotidie: commentarii non sunt.  Propositum est pergere, sed hoc dubito: nonne denique desinam, si nemo unquam responsum qualecumque, jucundum vel pravum, latine vel lusitanice, ad nos mittat?  Incertus sum.  At propositum est pergere quo coepi.  Nonne interim bene fungor?

06/07/2006 20:14 thersites Enlace permanente. sin tema No hay comentarios. Comentar.

Menda, menda, menda

Memento, lector amabilis, me Latine scripsisse.  Non ergo de me loquor, sed de mendis quae quotidie in hac ephemeride commito.  Heri longum textum composui alacer, incitato gradu.  O, ipse congratulabar quod tam celer tot verba, tot sententias exaravissem!  At hodie, cum quae scripsi relego, invenio, proh dolor, quattuor, septem, nescio quot menda, utcumque nimium mendorum numerum.  Certe alacer ac sine metu mendorum scripseram!  Non rariora erant errata, at ego minus pudicus.

Quid agam?  Nuper doctus sum commentarios mutari posse saltem ab auctore.  Utrum quae erravi corrigam annon?

Primum, "spiritum" blogiorum esse puto scripturam attingere levem, naturalem, spontaneam: nihil oleum olentem.  Alterum, contra arguit pudor, et conscientia scelerum, erratorum volui dicere, et quod, etsi nequaquam docere debeamus, tamen exemplar esse pravitatis valde pudet.

Inter Scylla et Charybdin, hoc decrevi: corrigam, sed duobus limitibus: nec ultra alterum vel tertium diem, nec quodquam stili corrigere, sed tantum menda et errata quae non rhetor severus, sed grammaticus quilibet corrigeret in ludo litterario.  Aureum medium attigisse videor.

Valete

07/07/2006 23:52 thersites Enlace permanente. sin tema No hay comentarios. Comentar.

Quid nisi calor?

Ut aestatem decet, calor, plus quam amor, omnia vincit.  Audio etiam in Matritum nubem pulveream ex Africa pervenisse omniaque inquinasse.  Sed non modo magnis in urbibus, sed etiam parvis viculis, tamquam quem nunc habito, ardor omnes omniaque urget.  Cum ignis dormire prohibet, ascendendum est mihi in turrim parvulam: supra, sub dio, etiam sub canicula pallio eges noctu.  Hodie fortasse primum hoc agendum est mihi.

Paucos dies nihil scripsi.  Nimium calorem vel nimium laborem excusare poteram; sed nihil horum in causa est.  Tantum vacavi.  Mensis julius non optime moderatur me, sed ultimos dies (eosdem quibus nihil scripsi) multa et bene denique perfeci, et titulos organis dipingens et scripta corrigens et addens.  Et solem orientem quasi quotidie ex birota mea video.  (Non illam autem jam septimo die.)

Et quia mihi soli scribere puto, hic finem faciam.  Vale qui legis, si istic es

11/07/2006 17:25 thersites Enlace permanente. sin tema No hay comentarios. Comentar.

Regressus

Nunc regredior post nonnullos dies quibus domo afui.  Omnia sibi paria manent, sed animus recreatus est.  Etsi illam non video, etsi Israel impetum vecordem in Libanum fecit, etsi calore concremamur...  Paululum refectus sum.  Nunc labori paucos dies impendam, quia rursus abero post tres quattuorve.

Ubi fui?  In montibus Pirenaeis, in valle Gabardito, in colle ad Visaurim; Matriti cum fratre caneque, Picassum visens et calorem sufferens; nonnullis castellanis viculis...  Si tempus vacat, aliquid narrabo.

Nunc ad laborem regredior.  Valete qui legitis quique non legitis

20/07/2006 09:58 thersites Enlace permanente. sin tema No hay comentarios. Comentar.

Dies albo lapillo

Optimus hic dies laboris.  Optimus esset totus nisi in orbe terrarum tot clades essent atque, clades omnium pessima, tanta stultitia.  Quod in mentem fert me voluisse loqui de Carolo Maria Cipolla (caepe, oignon, cebolla) et eius sublime breviarium q. i. 'Leges primordiales humanae stultitiae', vel (sic interpretari malo, minus ad verbum sed plane, puto, ad sententiam) 'Stultitiae humanae principia mathematica'.  Librum hunc saepe legi ac relegi (cum altero breviario de aromatibus in Medio Aevo liber constat q. i. Italice et musice 'Allegro ma non troppo'), semper voluptate, quia et multa et vera et sapientia continet et altissima comitate odorata.  Inter jucundis quae ibi occurrunt, notiones morales comparent quasi res naturales quas metiri perpendere calculare possemus.  Finiuntur 'acta callida' (quae et Agerio et Numerio bene faciunt), 'acta simplicia' (quae tantum Numerio bene faciunt, haud Agerio ita, vel nocent), 'acta prava' (quae Agerio bene, Numerio male faciunt), denique 'acta stulta': quae utrique nociva sunt.  Omnia et jucunda et verissima.

Propositum meum non erat hodie de Cipolla loqui; etiam non de Israelitis et eius impetu in Libanum; sed stultitia huius et sapientia illius huc me traxerunt.

Dies postremo mihi optimus fuit.  Multum laboravi; amicam inveni quacum et comedere et ridere pariter potuimus; vidi deinde Oscarem Pereirum et Carolum Sastrem quasi victores in certamine birotarum Francogallico; amicus pictor me visitavit quocum ampullam vini Carinianici vestigavimus et inter nos consolati sumus.  Attulit mihi librarius 'Lexicon diaboli' Ambrosii Bierce quod unice me juvarit.

Unum hoc peto: dies sequens nec peior nec melior sit.

21/07/2006 23:14 thersites Enlace permanente. sin tema No hay comentarios. Comentar.

Quid est homo?

"Animal adeo deditum ad attonite contemplandum quod se esse putet, ut quod certe esse debuerit plane praetereat.  Eius praecipuum negotium: cetera ipsius generis animalia trucidare.  Quod autem genus sic celerrime pullulat ut orbem terrarum omnem habitabilium infestet necnon Canada."

Finitio haec in Ambrosii Bierce 'Dictionario diaboli' legere potes.  Qui liber inter eos habeo qui domi manebunt cum jacturam librorum incepero.

"Inconsolabilis: aliqua re nuperrime orbus."

"Patientia: desperatio levis quae personata incedit quasi virtus."

"Academia: quondam silvula fuit ubi philosophi quid sibi vellet natura rerum vestigabant; nostro saeculo schola est in qua re vera nati stulti quaerunt quid sibi vellet philosophia."

Has finitiones sortitus sum interpretandas.  Plurima, optima sunt.  Valete

22/07/2006 10:05 thersites Enlace permanente. sin tema No hay comentarios. Comentar.

Valete in Augustum

Ut quotannis, fugere oportet per aliquot dies.  Hoc temporis nullos libros mecum afferam: quaterniones tantum ubi quid scribam vel dipingam.  Abero sine ordinatro ac sine quotidianis laboribus.  Liber fugiam, sine catenis.

Non multum scripsi, non valde diligens fui ultima hebdomade.  Sed quid ad me?  Qui nec legor nec saltem certior fio quin quando legar.

Profecturus sum usque ad Idus Augustas.  Si huc vultum producis, valere te jubeo.

25/07/2006 09:27 thersites Enlace permanente. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris