Impatiens

Feles intrare vult.  Nemo eam audit.  Fervet, micat, crissat: ungulis vitrum radit.  Tandem ad fenestram eam repperimus ridicule implicatam.  Machinam arripio.  Sed ea severa subsidet.  Fatua!

4 comentarios

[Sandra Ramos - 12 de julio de 2008 - 10:58]

Haud pulchrum, beneuole Thersita. Insulsa nuga est, necopinato scripta. Quamquam actiuus usus uerbo "contueor" est, ex. gr. iuxta Pacuuium, tolle tamen CONTUERI et lege potius INSPICI.
Haec septimana aelurophila fuit, cattorum seu felium plena: Noui quendam "Cattus petasatus" et Latine legi fabulam "De catto caligato" in commentario periodico "Vox Latina" inclusam.
Filioli ab me cattum habere rogant, sed ego tantummodo eis cattorum fabulas legere possum.

[Thersites - 10 de julio de 2008 - 22:11]

A sapiens Homere, quam multas opportunitates dedisti Nemini Oudeni!

Pulchrum, Sandra!

[Sandra Ramos - 09 de julio de 2008 - 13:42]

Olim cattum felem habui,
qui haud catus et felix erat.
Oculi in tenebris fulgebant
et radiabant et contueri
ab nemine potuerant.

Au, mi catte fatue et tristis,
Cur citus de me effugisti?
Cuius cutem nunc lambis?
Au, me miseram, cattus abiit
et infelicem me reliquit.

[Nemo - 09 de julio de 2008 - 04:05]

Ut verius confitear, eam, id est felem, non audivi. Sed libenter audirem, et lac praeberem.