Vernum tempus

Ver jam adest cum floribus et foliis... cetera.  Cetera, scilicet, quae ver comitantur.  Crines, exempli gratia, quos innumeros ejecit quotidie canis meus, fabrica pilorum factus.  Emi hodie pecten, quo forsan aliquot pilos evellere valeam ante quam totum aedium solum operiatur.  Ille, beatus, felibus atque lignis missilibus intentus, nihil de capillis cogitat.  O fortunati nimium, canum domini, sua si bona norint!