Pinus

Nuper in ore valentino, inter aurantiis quorum odore totus perfundebatur aer, occidente jam sole, pinus paene solitaria ita erigebat acutas frondes ut ferrugineum aciculis acciperet colorem contra caelum adhuc caeruleum: imitabatur certe picturam Claudii Lorrain.

3 comentarios

[Thersites - 13 de mayo de 2009 - 23:40]

Recte habes, Helena mea doctissima, terreum rubro commixtum cogitabam colorem quem in ferrugine reperire solemus. Gratias ago tibi.

Salve, Sandra. Helenam suadere conor ut blogum exscribat: gratiosissimum foret. Gratias etiam tibi ago, gaditana puella... :)

Valete.

[Sandra - 13 de mayo de 2009 - 20:54]

Saluus sis, mi optime imaginum uerborumque pictor! Et salua quoque sis, Helena! Pergratum est inuenire femina eaque docta Latine scribens in Rete! Etiam apud Lucretium legitur pulcherrima "thalassina uestis", ueneti coloris et marini. Valete bene.

[Helena - 13 de mayo de 2009 - 12:01]

In Plautino milite glorioso hi versus leguntur (1178 sq): "Causeam habeas ferrugineam et scutulam ob oculos laneam. / Palliolum habeas ferrugineum, nam is colos thalassicust." Quem colorem aliqui interpretantur "azul oscuro". Nonne diversum colorem videris describere?