Forum Universale
[Hodie nuntium edo quem heri Mercurius vetuerat.]
o o o
Nudius tertius Foro Universali de aqua parcenda Caesaraugustano adfuerunt mater cum sorore. Jam de adeundo dies praeteritos longe disseruerant.
[Mater] --Adire ego in mente minime habeo. Tanta turba! Talis aestus!
[Matertera Ludovica] --Fac sicuti placeat. Equidem non redeo [Vallisoletum scilicet ubi habitat] invisa Expositione.
[M.] --Tute scis quid agas. Arcesse comitem Annam vel Nenam [filias scilicet measque sorores]. Ego nunquam comitabor.
o o o
Heri duas anus inveni laetissimas.
[Mater] --Jam Foro Universali adfuimus!
[Thersites] --Quid? Una fuistis? Nonne dicebas nunquam te in Forum ingressuram?
[M.] --Vera dicis, sed heri, cum non tam ardens esset aer pesque minus doleret, animos primum, laophorum deinde cepimus. O quam callide apparatum! Laophorus ad ipsam duxit Expositionem! Ubi longae videbantur hominum series, ea intrare conatae sumus. Nequimus autem.
[Th.] --Qua de causa? Quas tesseras emistis?
[M.] --Nullas. Ingredi conabamur sine tessera. Nos videbamus quo intraret turba, ea imus nos, diximus. Sed quidam nos sistere jussit. ’Quo itis, dominae meae?’ ’Huc, ad Forum visendum.’ ’Sed ingressum oportet emi.’
Aliqua techna tum in mentem matris venit:
[M.] --Audi, fili [non ad me, sed ad Fori janitorem alloquitur]. Tesserae, satis sunt nobis. Sed filia habet in crumena, oblita est dare.
Hoc audiens rubeo. Mater, quae semper vera loqui nos dicicit, nonnulla mendacia putat anibus licere ut stipendia aufugiant publica.
[Th.] --Num ingressae denique estis?
[M.] --Minime. Sed duo custodes publici ad nos verba fecerunt. ’Aliquid incommodi, meae dominae?’ ’Viden, fili mi, vetari nos quominus intremus? Nonne vos quoddam nobis agere potestis?’
[C.] --A mea domina, vere piget! Illamne videtis saepem? Ea quidam conati sunt heri furtim ingredi, ideo nos hic appositi sumus, quominus iterum accidat. Unde venitis?
[M.] --Ego Caesaraugusta. Sed soror mea Vallisoleto.
[C.] --At ego zamoranus sum!
[M.] --Zamoranusne? Immo nos duo zamoranae sumus! Ex quo vico?
Custos ille natus erat vix viginti chiliometra a vico matris et materterae. Nomen custodis etiam inter nomina mea est, tertio quartove. Colloquentes duae anus affines et cognatos invenerunt communes.
[M.] --Custos laetissimus erat. ’Diem jam per vos non perdidi!’, dixerat.
o o o
Etiam laetissimae erant mater et matertera. ’Jam Forum invisimus!’, aiebant. Sed porta ne transita quidem erat.
9 comentarios
Pavoguze -
zs.roscoe -
Extremely explicit entry & exit conditions. Zero ambiguity. No interpretation of line crossings, levels, runes, or goat entrails required."
Join smartforexsignal.com
Cbuwunedud -
Triimbuunduuriik -
[url=http://analrubrik.com] analrubrik.com[/url]
Sandra Ramos -
Satis scio tuam matrem et materteram, ut meas, uerbis dulcia certamina conserere, sed haec uerba aliquando haud acrem, sed mysticum salem sapiunt.
Mihi ualde placebit plura legere de matre tua
Thersites -
Thersites -
Nemo Oudeis -
Sandra Ramos -
Vale plurimum