Blogia
Thersites

Iterum de emeritis

Iterum de emeritis Vir in photographemate José Manuel Montorio est, quocum convenimus in Sancta Cruce proxima dominica. Quam mirum! Habitat ille Bursaone (ubi natus erat) non longe a domo mea! Eos homines, tot tantaque passos, admirari me jam dixi: in eorum oculis patent et dolor laborum et securitas e probitate orta. Quot eorum mortui sunt, utrarumque partium! Et qui vivunt adhuc, quam relicti sunt a partibus nunc agentibus! (Nullus, nisi fallor, administer communista vel socialista a Caesaraugusta in Sanctam Crucem iter fecit ut 'guerrilleros' honoraret.) Sed quid illis? Humiles cum baculo senectutis, sed non submissi, et ab ipsorum erroribus erepti, etiam subrident...

0 comentarios