Facebook Twitter Google +1     Admin

Napolusconi

At quid accidit in Italia?  O Italia, altera mea patria, quot quamque obscaena sub caelo tuo quotidie acciderunt?

Olim in Italia habitare somniabam.  Etsi nunquam serio conarer, placebat mihi praevidere quam in urbem sedes meas translaturus essem: Senam, pretiosissimam et musicam urbem; Luccam, amoenam dulcedinem; Ferrariam, latericiam elegantiam; Ravennam, auream saeculorum caliginem...  Nullum inveniebam populum magis laetantem quam Italum atque vivendi sapientiorem...

Quae autem notitiae, proh dolor, ex Italia adveniunt!  Non factiones modo atque piratarum greges, non modo ecclesia catholica patrem dolentem persequens, nunc etiam stultus ille, ille a populo italico bis electus!

O popule qui contra columnam infamem rebellasti, ubi nunc es?

08/02/2009 22:52 thersites Enlace permanente. sin tema

Comentarios » Ir a formulario

thersites

gravatar.comAutor: augustbecker

Ubi est populus italicus?

Ante televisorem (fundus Napolusconi)

Fecha: 10/02/2009 00:14.


gravatar.comAutor: Amadigi

Infandum, Thersites, iubes renovare dolorem.
Italus quidam natione non moribus

Fecha: 10/02/2009 21:56.


gravatar.comAutor: Nemo Oudeis

Rectores tamquam folia mutantur; Italia tamen permansit, permanet, permanebit. Unus enim est regulus inhonestus; gaudia illius terrae multa et magna et honesta.

Fecha: 11/02/2009 02:31.


Autor: Thersites

Aliquando populo Italico ridere de administris suspicatus sum placere, qua de causa ita illos seligere. Consentio vobis, sed utinam Augustus falsus erit. Salve, Amadigi, italus atque amicus!

Fecha: 13/02/2009 06:18.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris