Facebook Twitter Google +1     Admin

Sol sol sol miii tx tx tx pfff

Saturnalia hodie incipiunt et iratus sum.  Nam commentarium longum et, sicut mihi ipsi videbatur, pinguem et elegantem, nuper scripseram cum, merda, merda, merda, haec machina in malam crucem eum amisit.

Quid plura?  Fortasse non tam pinguis nec elegans erat.  Sed iratus nihilo minus sum.

Hoc in fine dicebam: omnia memorabilia hujus diei, reges pappas atque imperatores, bella atque civilia, pili facio, et diem tantum natalem celebrare volo Ludovici Beethoven.

Nunc valete.  Jam nullum verbum Saturno nec Apollini dico, cum commentario meo minime faverint.

Valete.

17/12/2008 23:45 thersites Enlace permanente. sin tema

Comentarios » Ir a formulario

thersites

Autor: Keraunos

Machina computatoria nonumquam irascamur.

Fecha: 18/12/2008 18:14.


gravatar.comAutor: Nemo Oudeis

Ordinatra et machinae hodiernae cum nos adiuvare debeant saepius quam decet videntur nihil aliud velle quam vitam difficiliorem reddere: saepe illud programma c.n. Verbum a Microsoft effictum obstat quin possim verba apte recteque scribere, et fere semper verba mea mutat in verba etiam stultiora (quis crederet etiam stultiora quam mea posse scribi?) usque ad insaniam.

Fecha: 19/12/2008 04:27.


Autor: Thersites

Ave, Keraune! E qua nube te dejecit Juppiter? Ubi terrarum habitas, o fulmen latinum?

Si stulta scribis, amice Nemo, scribere perge, nam stulti sumus non pauci quibus tua placeant et callida videantur. Vale!

Fecha: 19/12/2008 23:23.


Autor: Anónimo

Ave Thersite. Ego in Polonia habito. Patria mea est procul ab Tua, sed et Tua hispania mihi placet. Semper sentiebam et Poloni et Hispanii habebant aliquid simile.
Non sum optimus latinista sed latinie scribere et legere amo. Blogum tuum interdum lego. Vale!

Fecha: 21/12/2008 00:27.


Autor: Keraunos

Ego Keraunos commentarium suprascriptum scripsi sed nomen meum dare oblitus sum.

Fecha: 21/12/2008 00:29.


Autor: Thersites

Gratias tibi, Keraune. Quod aliquid simile sit nobis, consentio, etiam aliqua (ita diceret dominus Quixotis). Hi primum in mentem veniunt, cum recolam quae communia habeamus, Potocki et Has, cujus opera (et fabula et pellicula De manu scripto Caesaraugustae reperto) non modo egregia mihi quidem videntur, sed quasi propria et domestica. Gratias iterum, et quod legas et quod scribas.

Fecha: 21/12/2008 22:47.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris