Facebook Twitter Google +1     Admin

Nebula

Solem vix videmus his diebus, fuscas inter nebulas ortus.  Cum meridie ejus facies aegre conspicitur, brevi tempore transmutatur mundus, aureus repente, roseus, caeruleus factus.  Nubes casu deinde redigit nos in plumbea.

Pauca nunc placent.  Cum temporibus nubilis accidit, multa lego; animus, impotens dandi, gratus accipit.  Sors in manibus posuit 'Fabulam Ferrariae' Georgii Bassani.  Paulatim ad ejus longissimas, perplexas sententias assuesco.

Ferrariam (novistisne?) pulcherrimam inter urbes, quas novi, duco.  Quis enim dubitet de maximis, Roma vel Florentia?  Sed illae parvulae, Ferraria, Sena, Lucca!

Hoc etiam suppeditat fabula Bassani, quod, legenti cum charta geographica, suas vias, aedes, hortos recordatur formosos.  Digitus per chartam ambulat, sicut olim ipse dominus ambulavit: via Salingerra, Porta Reno, Viale Giovecca...  Veniunt in mentem Schifanoia, la palazzina di Marfisa, jucundus ille apparitor, Pietro, qui radiophoniae studebat...

29/10/2009 08:59 thersites Enlace permanente. sin tema

Comentarios » Ir a formulario

thersites

gravatar.comAutor: Ludovicus

Ave, Thersita bone.

Vade, si vis, ad:

http://www.youtube.com/watch?v=5jFhq3Rj6DI

Legistine jam librvm hunc (Godel, Escher, Bach, An Eternal Golden Braid) de quo magister juvenis (quamquam “senior in mathematicas”) loquitur?

Vale et vale. Ludovicus

Fecha: 06/11/2009 20:42.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris