Facebook Twitter Google +1     Admin

Utri? Neutri.

Ningit. Videar forsitan inanis, de tempestate loquens. Sed nihil magis me incitat, nihil ditius invenio nec uberius.

Hispania tota nunc disputare videtur utrum Zapaterus an Rajoius melior futurus sit primus administer. Equidem minimam inter eos percipio differentiam, cum utriuslibet victoria utrumque favebit manipulum, ex duobus qui hanc terram dominantur et qui in hoc unum conveniunt: nihil mutandum legis electoralis. Non enim duae politicae notiones in Hispania certant de administrandis patriis, sed duo exiguissimi manipuli de dominationis partitione. Et neutri scilicet curant de publica educatione. Hoc unum scimus: si socialistae vincunt, nihil immutabitur; si populares qui vocantur, scholae catholicae magis favebunt. Sumus inter famem et esuritionem.

Sunt alii quibus suffragia tribuamus; sed telehorasi vel radiophonio non sunt, ergo quasi non sunt.

Quae indigentia!  Puto adhuc bona non sum valetudine.

05/03/2008 09:06 thersites Enlace permanente. sin tema

Comentarios » Ir a formulario

thersites

gravatar.comAutor: Martí Duran

Quam recte loqueris, amice! Et si habitas in Catalonia, clarius adhuc patet, quod ambo de eodem certant, primus velocior, alterus paululo lentior.

http://generaliter.blogspot.com/

Fecha: 05/03/2008 21:07.


Autor: Ioannes Paulus

Nunc quidem vix dissimiles duae magnae factiones Hispaniae sunt, neque dextram neque laevam iam mihi esse videor. Mea igitur nihil interest utrum Zapaterus an Raioius vincat, nihil enim mutabit.

Fecha: 07/03/2008 01:06.


Autor: Thersites

Gratias vobis ago. Catalauniam non incolo, sed corde colo; aliquid legi in blogio, Martí, tuo: sola lingua pulcherrima sufficeret delectationi.

Fecha: 07/03/2008 22:40.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris