Thersites

Dies nubilus, tepidus, insipidus. Res eaedem sunt circa: cinereae, tristiculae, minusculae.

Qua de causa photographema affigam proximi decembris, diei vigesimi septimi puto, qui fuit gloriosus et frigidissimus. Tunc Mons Cajus sic emicabat candidus. (Hodie contra ne pedem quidem e nubibus producit.)

Valete omnes, amicae et amici, atque vita hac, quae brevis omnino, tepida subinde, insulsa est major pars, quantum poteritis fruimini.