Facebook Twitter Google +1     Admin

Se muestran los artículos pertenecientes a Junio de 2013.

Valetudinis lapsus

Heri computatrum ad me redditum est, post longos in nosocomio computatrali efluxos dies.

Probationes lego discipulorum quibus ratus sum plerumque frustra laborari.  Ecce documentum:

-- Consonantes oclusivae latinae: a e i o u.

-- Fruor verbum est de poniente.

Horresco referens.  Celeriter ipse ingressurus sum in nosocomium magistrale.

13/06/2013 07:36 thersites Enlace permanente. sin tema No hay comentarios. Comentar.

Lectio jucunda atque minus

Iam plus minusve viginti probationes restant nobis legenda, corrigenda, aestimanda.  Nihil taediosius est nobis in universitate rerum.  Saepe illud venit in mentem, nunc luere nos culpas quas pigri discipuli cumulavimus parum ac neglegenter studendo.  In diebus talibus, qualis est hic, cupido nos urget, quae jam pueri patiebamur, omnia scholaria per fenestram in viam ejeciendi atque suaviter et pacifice cum libro jacere, ceterorum obliti cunctorum.

"Si verbum est unisyllabum, proparoxitonum est".  O di boni!

᾿Ες κόρακας.  Omnia per fenestra.  Ad carum Marcum Twain regredior.  Mane (limpidum fuit caelum universum, suavis aer flabat, non nimis calidus) jucundum finiebam opus q.t. The Innocents Abroad vel (nisi fallor) Innocentes peregrini, et hanc pulcherrimam periodum inveniebam de Palaestina:

"Cinerei lacerti, illi ruinae, sepulcrorum vastorumque heredes, inter saxa labebantur vel immoti apricabantur.  Ubi triumphus dominatus est, ceciditque; ubi splenduit gloria, atque exstincta est; ubi forma habitavit, nunc extenuata; ubi fuit laetitia atque nunc est maestitia; ubi luxus fuit, et nunc mors imminet et silentium, serpenti huic est domicilium, humanam vanitatem deridenti.  Ejus pelli color est cineris, nam cinis spem significat amissam, vota cassa, sepultos amores.  Si loqui posset, haec diceret: ’Templa aedificate, ego potiar cum eruentur; aedes erigite, dominus fiam; imperia pangite, heres instituar; formosa vestra sepellite, vermes videbo laborantes, et tu, qui istic stas, ethica dicens de me, repam denique super cadaver tuum’ ".

Gaudeo quod multa opera Twain in bibliopoliis reperio.  Haec sunt bona aniversarii temporis.

16/06/2013 22:58 thersites Enlace permanente. sin tema No hay comentarios. Comentar.


Vale, anne pessime

Missus postremo est annus academicus.  Pessimus mihi sine dubio ex omnibus quos passus sim.  Non modo quattuor horae superadditae sunt hebdomadi meae (maxime proficere nos reputant scilicet consules nostri, illi stolidi, minutis quotidie coacervatis), sed discipulorum etiam genus...

Miseri, quae est vobis culpa?  Unum dicam: in postremo baccalaurei grege (in quo persaepe requievit magister, cum jam perfectus sit difficillimus labor) minor puerorum pars meorum latino prius studuerat, maxima non modo primum latini cursum praeterierat, sed nihil insuper conata erat per ferias aestivas id discere.  Quid agas in cursu tale?

Plus dimidiae pars ideo cursui latino aderant, ut mathematica fugerent.  Sicut clamare solebat magister noster, Seraphim Agud: "Ab aratro profugi!"

Multies mecum reputavi: "Hoc boni est nobis in re pessima: quod in peius ruere res non potest!"  Sed potest.  Potest.  Quotidie potest.

Hic annus pessimus fuit.  Sed erit peior.

Horae fortasse addentur.  Et nos seniores erimus, et lassiores et stultiores.

Sed nihilominus gaudebo libertate aliquot diebus recuperata.  Aestate iterum novos codicillos novis discipulis pangam, quasi optimis futuris.

Et requiescam, requiescam, requiescam.

Claudius domum suam invitat me, ad Confoederationem Helveticam.  Ibo, puto.

29/06/2013 22:44 thersites Enlace permanente. sin tema No hay comentarios. Comentar.


Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris