Facebook Twitter Google +1     Admin

Maria C. E.

Puellam eam noveram.  Adulescentiam vidi paulatim pati, nam ejus parentes sorori meae sunt amicissimi, atque quotannis utramque conveniebam familiam die certa natali.  Faciem ergo repperimus primo varis conspersam, deinde limpidam prima juventute.  Cum sponsum sibi sumpsisset, semicani omnes et omnino cani vel calvi solitis querimoniis nos dedimus: tempus fugit, senescimus, cetera.  Anno proximo monstravit filiam (paucos adhuc menses natam): equidem in ea admiravi mulierem plenam, vitam plane florentem.  Nunquam sic renidere videram.

Mercuri die imber fortis erat, machina lapsa est...  Mortua est illico.  Cum ea vehebatur filia undecim mensium, quae vivit femore tantum fracto.  Solis die terrae dedimus Mariam.

Hanc historiolam scribere nolebam, oblivisci non possum.  Memoriae suae sit gratus hic verborum levis tumulus.

12/03/2009 00:36 thersites Enlace permanente. sin tema

Comentarios » Ir a formulario

thersites

gravatar.comAutor: Icosinatus

Quam magnum dolorem propinquis affert mulieris juvenis tam inexspectatus decessus!

Fecha: 12/03/2009 22:02.


gravatar.comAutor: Sandra

Doleo amicae mortem, mi Thersita, sed magis doleo filiae uitam sine matre. Vale multum.

Fecha: 12/03/2009 22:53.


gravatar.comAutor: Ludovicus

Quod accidit? Ubi es, frater mi?

Fecha: 20/03/2009 22:19.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris