Facebook Twitter Google +1     Admin

Exsul

Longa et inexpectata epistula ad me mittit Ataulfus, de quo nihil quattuor annos notitiae ad me pervenerat. Is vixerat olim Turiassone, quo adierat magistratus comes, suae uxoris, per quam eos noveram. Sed tertio vel quarto anno turiassonensi vix transacto, Ataulfus captus est amore Claudiae, puellae Americae australis, et, minime matrimonium respiciens, omnia reliquit et oceanum transiit. Bis terve deinde per aliquot mensibus telephonio loquuti sumus (ille Bonis Aeribus vocaverat), nihil autem postea. Usque ad heri.

Attente legi: tria erant folia. De vita aliqua narraverat, de parentibus Claudiae, de laboribus et picturis. Est plerumque contentus. Sed Turiassonem desiderat, conventus nostros quibus multa colloquebamur multumque ridebamus. Huic argumento duo ferme folia consecravit. Finem cito perlegi: mandata ibi fore credebam. At deceptus fui. Nulla erat petitio, nisi statim ut responderem et amplius de nobis tractarem.

Stupeo. Puer vere nos desiderat. Non Barcinonem, patriam demum, sed vicum nostrum parvulum et caelum nostrum quod vix quattuor annos gustaverat. Quid enim? Respondebo.

Tres continuos dies pluit, ranae fiemus.

22/10/2008 16:12 thersites Enlace permanente. sin tema

Comentarios » Ir a formulario

thersites

gravatar.comAutor: Nemo Oudeis

Quam beatam vitam agit ille quippe qui oceanum transilire potuerit amoris causa, apud Hispanos et Argentinianos versari, quasi alter Ulixes videri! Etiam hac in Odyssea homines ranae fiunt!

Fecha: 26/10/2008 19:20.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris