Blogia
Thersites

Aemilius

Mors audivisse videtur aliquot abhinc menses dicentem me nunquam a se tactum. Nam a.d. viii Id. Sept. Aemilium sororis maritum secum rapuit. Qua de causa domo afui, etiam domo abero aliquot ultra dies.

Pondus et amplitudo viri per exsequias patere solet. Illum esse bonum virum jam noram, sed cum vidissem tot viros, gravibus negotiatorum vestibus indutos, in eius honorem ardentes fundere lacrimas, Aemilii probitatem excedere intellexi consuetos fines familiares: multi juvenes magistrum atque patrem tunc dixerunt Aemilium sibi fuisse. Nobis in eo periit amicus fidelis. Valete.

 

0 comentarios