Facebook Twitter Google +1     Admin

Cicero, Ferrarius

"Etsi vereor, judices, ne turpe sit pro fortissimo viro dicere incipientem timere, minimeque deceat, cum T. Annius Milo ipse magis de rei publicae salute quam de sua perturbetur, me ad eius causam parem animi magnitudinem afferre non posse, tamen haec nova forma novi judicii terret oculos, qui, quocumque inciderunt, consuetudinem fori atque pristinum morem judiciorum requirunt."

Anno centesimo sexto a.c.n. (ante computum nostrum) die hodierno simillimo natus est Tullius Cicero orator, qui supra repetita verba pronuntiavit (vel pronuntiare maluisset: "Si hoc dixisses, non Massiliae pisces ederet barbatos Milo"). Quis Ciceronem non noverit? Qui nostrae linguae plus splendoris dedit quam nemo alius illius saeculi, sit qualiscumque de ipso viro sententia. Sed mihi illa verba pro Milone conscripta aliud carius significant: memoria enim ea tenebat pater (et multa alia, cum felix ei esset memoria, quae solebat ex tempore proferre, si laeta occasio ei praeberetur).

Hodie autem, quadraginta ferme abhinc annos, natus etiam est amicus meus Ferrarius, quocum comesum abeo cumque multis aliis. Quam pulcher dies lucet! Ver videtur nec hiems. Valete omnes!

03/01/2007 11:57 thersites Enlace permanente. sin tema

Comentarios » Ir a formulario

thersites

gravatar.comAutor: Ludovicus

"Amici optima vitae supellex"

Vale semper, AMICE.

Fecha: 03/01/2007 21:28.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris