Frigus tandem

Duo tantum verba faciam, priusquam gelu rigens tacere cogar.  Frigus enim quod pati decet novembri mense, dimidiato nunc decembri patimur.  Et nobis laboris onus grande hac hora impendet.  Cito valedicam ergo, vix avedictus.  Estne vobis bene?  Quam optime omnibus sit vobis, hoc cupio, jam jam ad pensum festinans...  Vale, valete omnes, amicae, amici, corpuscula fovete multa lanugine!

2 comentarios

[Thersites - 13 de diciembre de 2006 - 10:22]

Gratias tibi ago, oh ignavissime rerum! Sed abice curam de me, qui tanquam phoca optime saginata non multis egeo tegumentis! Gaude autem temperie, et si frigescere incipit laetus susurra: Jam liquescit, et decrescit grando, nix et cetera...! Vale semper!

[Nemo - 13 de diciembre de 2006 - 04:08]

Caelum hic iam calidius fit, ut non necesse sit nobis in amictis omnino involutis frigere propter ventos per nostra ossa stridentes. At propter nostras probationes et libellos scribendos oportet nos omnes, etiam me ignavum et improbissimum discipulm, animos in libros intendere nec foris lascivire. Die Saturni tamen ego ero liber, et caelum erit pulcherrimum, et vinum optime sapiet. Fidem talibus in rebus habeo.

Tu vestimentis gravissimis bene involvaris, prope focum sedeas, et te bene habeas.