Blogia
Thersites

Caffeanus sermo

Ordinatrum, quod multo magis quam ego scit, ait planetam ante Leonem non Saturnum esse, sed Neptunum.  Vix credere possum: plus lucet quam nunquam Neptunum lucere posse putarem.  Heri conjunctus cum luna erat: ambo ante Regulum vel Kabeleced (arabice 'cor leonis') lucebant.  Hodie jam luna sub ventrem currit leonis, Regulum inter et Denebolam vel 'leonis caudam'.

Placet stellas mane videre.  Omnes hodie toto caelo videbantur.  Idem heri.  Nonne insolitum, hoc anni tempore?  Etiam hos dies in Pirenaeis culminibus ne micam esse nivis observavi.  November dimidiatus, nulla nubes, nulla nix.  Malum!

Quid ais, Thersita?  Tu quoque de climate querere?  Age, caffeum hauri et ad laborem te accinge.  Age, age!  Ad tuam rem!

0 comentarios