Facebook Twitter Google +1     Admin

Luces ex longinquo

Hoc anni tempore, cum primum ventus molestus flat vel imbres incipiunt, birotam relinquo, aestivum ludum, et, ne corpus minus hieme exerceatur, multo mane viis rusticis ad currendum exeo.  Hodie prius diluculo currebam, multa nocte, sub stellis.  Haec mihi fuit anno proximo nova voluptas: earum luce diem auspicari.  Quam pulcha stellarum species, hodie mane.  Praesertim regredienti, in meridiem verso, procul Orion splendidas suas stellas ostendebat, tenuem arcum, cingulum magnificum.  Ut quotannis nomina memorare placebat: Rigel, Betelgeuse, Bellatrix (ex paucis qui vocantur nomine haud Arabico vel Graeco).  Et Orionis ad sinistrum latus, gemma noctis hibernae, pulcherrima Sirius.

Millies ex pueritia hoc spectaculo fructus sum, sed semper incipiente nocte.  Nunc, in senectam vergenti, qua minus dormitur, hunc novum modum gaudendi noctem invenire placuit.

06/10/2006 08:18 thersites Enlace permanente. sin tema

Comentarios » Ir a formulario

thersites

gravatar.comAutor: Pastrix

Mê Dia, optime Thersites, quam plena sunt tua scripta scientiae et elegantiae. Et delectant et docent. Gratias tibi agimus.
Vale

Fecha: 06/10/2006 11:13.


Añadir un comentario



No será mostrado.





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris